(`'•.¸(`'•.¸* كبرياء أنثي *¸.•'´)¸.•'´ )

(`'•.¸(`'•.¸* كبرياء أنثي *¸.•'´)¸.•'´ )



عشت حياتي زي بقيت البنات
وشفت كتير عدي و فات
قابلت أكتر مما شفت
عرفت وفهمت و اتعلمت
ليه أقول أتجرحت؟؟
ما أنا اللي بإيدي أندبحت
دبحت كرامتي و كبريائي
دوست عليهم.. بذكائي؟؟
لأ و أنتي الصادقة ده غباء
غباء أنتشر في بنات جيلي
أدلعي يا حلوة و ميلي
فاكرة إنك بتسحري قلوب
لكن المصيبة القلوب طوب
طوب بيجي فوق دماغك
تقعي و يجيب داغك
فاهمة قصدي إيه طبعا
هتقولي أيوه فعلا
وشكلك ولا فاهمة حاجة
بتقعي في نفس الحكاية
كل مرة حد يجيلك يقولك أنا أهه في إيديك
تمسكي فيه وتحبيه
تديله روحك و تهنيه
تعمليله اللي متعملش
تفتحي قلبك وتبني عش
وتحلمي و ترسمي
و مجاش في بالك إنه غش
غش واضح قدام عينكي
بس أنتي بتداري عينك
متقوليش قال بيحبني
الكلمة سهله بس أفهمي
مش كل من قال كلمة بحبك
قلبك يدوب و تسلمي
جه الوقت اللي تفتحي
وتبصي حواليكي و تصحصحي
مين نصيبك ومين ناصب عليكي
إيه اللي بيدور حواليكي
شايفة؟؟؟


شفتي قد إيه أتنازلتي
و ترجعي تقوليلي كرامتي
كرامة إيه ما أنتي بإيديكي
اللي أتجرحتي و أتكسرتي
إمتي هتخافي عليا
إمتي هخاف عليكي
يا أنثوتي
أنثوتي ليه ضيعتها
حفرت بإيدي قبرها
لما جيت وسلمتها
للي بإيدهم أنا موتها



اصحوا و فوقوا يا بنات
اوعوا تقولوا اللي فات مات
أحنا بإيدينا نرجع كرامتنا
نحافظ بقي ع أنثوتنا
نحميها من شر الشياطين
اللي بهدلونا في الطين
عارفين الرجالة بيقولوا إيه؟؟
"في بنات للتسلية و بنات للجواز وأنا ليه أتعب نفسي وأجيب الجهاز
نفرحلنا يومين ونعيش ببلاش
أشمعني يعني محمد باش؟؟"



بيقولوا كمان أننا اللي بنحدد يلعبوا بينا ولا لأ
هو في واحدة تموت بإيديها الحق؟؟
أصرخوا وقلوا لأ يا بنات
لأ لكل شاب عقله مات
ده أحنا مفيناش غير قلب واحد
لازم يأخده حد واحد



حرام عليكم ضيعتونا
وبإيديكم موتنا
وتجيبه الحق علينا؟
ده ربنا وصاكوا علينا
أرحمونا في الأرض تترحموا في الجنة
ومع بعض نعيش ونتهني




وأخر كلمة للبنات
عيشي مرفوعة الرأس لأنك حواء
خلقت من ضلع أعوج عشان تحمي قلب أدم
خلقت لأنه استوحش الحياه من دونك
مهما أتجرحتي ما تجرحيش
ربنا موجود متخافيش